Det sludda og regna då Vinje-konfirmantane debutera som pilegrimar. Medan gamledagars pilegrimar måtte gå i all slags vær, kunne konfirmantane denne gongen nøye seg med den siste bratte bakken opp mot kyrkja..

Inne i kyrkja la konfirmantane frå seg ein stein – eit symbol på det som er vondt og vanskeleg – og tente eit lys for alt ein har å takke for.

Pilegrimsvandringa er ein del av konfirmantida i Vinje, og gjev ungdomane eit høve til å bli kjent med pilegrimsvegen mot Røldal.