Gjennom Vest-Telemark går det ein pilegrimsveg mot Røldal.

I Røldal kyrkje hekk det eit krusifiks som folk valfarta langt innpå 1800-talet. Kvar jonsok sveitta krusifikset og denne sveitten var sagt å gjera folk frisk.

Denne vegen nyttar psykiatritenesta i Vest-Telemark, arbeidsmarknadsbedrifta Vi-To Kompetanse på Dalen, Distriktspsykiatriske Senter i Seljord og Prostidiakonen i Vest-Telemark til ei fem- dagars vandring frå Vinje til Røldal .I tillegg til dei som går heile turen, er det lagt opp til andre kan slutte seg til dagvandringar.

I år er det tredje gong prosjektet ” Å vandre med håp” tek over fjellet frå Vinje til Røldal.  

Pilegrimstradisjonen har mykje å gje menneske som ber ekstra tunge bører. Tradisjonen knyter saman åndeleg søken, helseforbetring og fysisk aktivitet til ein heilskapleg tankegang om livsforbetring.

Som ein sa etter ei vandring:”Førre års  pilegrimsvandring har skine som eit lite lys i meg gjennom  vinteren.

I år er prosjektet så heldig at helseminister Anne Grethe Strøm-Erichsen blir med på vandring  fredag 27.august. Denne etappen er om lag 12 kilometer , og går frå Svandalsflona til stavkyrkja i Røldal.

MÅNDAG 23. august 2010

Start frå Grunge kyrkje kl 15 . Overnatting Velemoen Camping, Edland

TYSDAG 24. august 2010

Avgang Velemoen Camping kl.8.30. Frukost Edland Skule .Overnatting og middag på Fjellstad i Vågsli

ONSDAG 25.august 2010

Avgang Vågsli kl.9.30.Overnatting på Fjellstad i Vågsli

TORSDAG 26. august 2010

Avgang kl.9.30

Over Dyrskard til Svandalsflona. Tilbake til Fjellstad i Vågsli for overnatting

FREDAG 27. august 2010

Avgang kl.09.30. Vandring frå Svandalsflona til Røldal.

 Bilde: Helse - og omsorgsminster Anne Grethe Strøm-Erichsen vert med på pilegrimsvandring frå Svandalsflona til Røldal fredag 27.08.10 ( Foto: Berit Roald)