For sjette gong arrangerer diakonatet i Vest-Telemark verdiseminar i samarbeid med Vinje kommune gjennom Kulturårshjulet.

I år der det Nestekjærleik og menneskeverd som er tema, då særleg kopla mot korleis vi møter eldre og andre, med demens.

Temainnleiarar er Oddveig Klyve, poet og filmregissør og Stig Roar Wigestrand, musikar.

Gjennom poesi og musikk fortel Klyve og Wigestrand  om det smertelege tapet av minne hos ei aldrande kvinne. Dikta skildrar forholdet mellom mor og dotter i glimt som spenner frå barndom til demensavdeling. Tid og roller løyser seg opp og skaper forvirring, men og nye måtar å møtast på.

Eg hentar ein stol og set meg
held deg klossete i handa
Kvar er orda for dette
å møtast i dette store rommet
med blikk over alt
Ei framand kvinne kjem bort og spør
om eg vil følgja henne
heim
(Frå samlinga Det andre blikket)

Klyve og Wigestrand har synt førestillinga si mange stader, og og dette vil dette garantert vil røre mange som er, eller har vore, i liknande situasjonar.

 
Seminaret vil vere av stor nytte og for dei som arbeider med gamle i Vest-Telemark, særleg då familiar og helsepersonell.

Etter førestillinga vert det stutte innleiingar til samtale.

Tid:                        Laurdag 24. oktober kl. 11-14

Stad:                     Vinjehuset i Åmot

Pris:                       kr. 100 ved inngangen eller til konto nr. 2685 07 06947

Påmelding:         Tenestetorget,

Vinje kommune 35 06 23 00,

tenestetorget@vinje.kommune.no

Enkel servering

Dette er det sjette verdiseminaret Vest-Telemark prostidiakonat arrangerer i samarbeid med Vinje kommune.

·        Verdiar i Vest-Telemark i 2004

·        Frivillig innsats i 2005

·        Vest-Telemarkfylla i 2006

·        Klimaseminar – vern om skaparverket i 2007

·        Inkluderande fellesskap i 2008 (20 år med flyktningar i Vinje)

·        Nestekjærleik og menneskeverd

Eit samarbeid mellom Prostidiakonatet i Vest-Telemark og Vinje kommune, Kulturårshjulet