Tru kan flytte fjell, heiter det. Om ein ikkje får flytta fjellet, får kyrkja flyttast opp på fjellet, tenkte eldsjelene som byrja arbeidet med ei fjellkyrkje på Skafsåheia.

Sundag var det høgtidleg vigsling ved biskop Olav Skjevesland. Folk kom frå aust og vest denne dagen. Det er ein gamal idé som no er realisert. Sokneprest i Mo Bjarne Nenseter lanserte tanken på 1960-talet. For vel 20 år sidan vart det nedsett ein Fjellkyrkjenemnd i Skafså sokneråd. Mykje dugnad er lagt ned i prosjektet.

Men utan det gode samarbeidet eldsjeler og etter kvart Tokke kyrkjelege fellesråd har hatt  med Norsk Feltspatkompani, kunne ikkje kyrkja blitt ferdig så fort.

 Biskop Olav Skjevesland helsar på Gerhard Skaret etter vigslinga.