I grungjeving for prisen heiter det:

"Leif og Signe Sølyst har gjennom eit langt liv teke aktivt del i, og vore viktige bidragsytere til det meste av det kyrkjelege arbeidet i Fyresdal. Det gjeld alt frå sundagsskulearbeid, møteverksemd, særleg i Birtedalen der dei bur, drift av kvinneforening, og den årvisse basaren i Birtedalen. I dag i alder av 84 og 85 år, er dei framleis engasjera i styret i Normisjon med Leif som kasserar.

Men dei held seg ikkje berre i Birtedalen.  I nærmiljøet er dei kjende for å være særs gjestfrie og romslege. Dei er jamt å sjå på ulike arrangement i Kyrkja i Moland.

Signe og Leif møter opp. Og som regel har dei fått med seg nokon fleir. Det er kan hende noko av det som særskilt kjenneteiknar dette paret; deira omsut og omtanke for at andre som sjølve kan hende ikkje kom seg så lett avgarde på ting, skulle få høve til å deltake, inkluderande fellesskap.

Å være aktiv i styre og stell er det mange som er, men å ha den omsuta for andre mennskje for at dei skal kunne få deltake både i kyrkjelege og kulturelle aktiviteter, syner verkeleg i praksis ei god diakonal omsut. Nestekjærleik er grunnlaget for diakonal verksemnd, og nestekjærleik overfor små  og store i nærmiljøet i Birtedalen og i bygda elles  har Signe og Leif synt gjennom alle år."

Prisen vart delt ut for femtande gong. Under diakonisamlinga var det ellers gudsteneste med song av Familiekoret i Fyresdal. Førdrag ved kyrkjerådsleiar Nils Tore Andersen om kyrkjas nye diakoniplan.Og som alltid i diakonal samanheng; ei riktig god suppe.

Tidlegare har desse fått prisen;